In Cape Clear Island and South side of Ph. Bounded on the North and East by Glen Middle and on the South and West by the Atlantic Ocean, in the Barony of the East Division of West Carbery and Co. Cork. NB Proprietor Sir William Wrixon Beecher, Ballygibbin, Mallow, agent Rev. N. Beecher, Ballygibbin, all held by tenants, no lease. Rent £12, 15s per year, all in two farms, nearly equal. Soil light & rocky, produces light crops of wheat & a little oats with middling potatoes, also a little flax. OS Name Book
Tá talamh an Ghleanna ar thaobh theas an oileáin roinnte i dtrí bhaile fearainn, i.e. An Gleann Oirtheach GO, Gleann Meánach GM, agus Gleann Iarthach GI. Taobhaíonn Bóthar an Ghleanna GM 26 gach baile fearainn acu óThráigh Inbhir Mhóir GM 3 go Cnoicín an tSeabhaic GO 1 ar an taobh ó thuaidh. Ritheann talamh an Ghleanna go farraige ó dheas. Sa Ghleann Iarthach, gabháltas amháin é an 65 acra, 2 ceathrú, 26 péirse talaimh atá in achar an bhaile fearainn. Ba é Johnny Finín Ó Drisceoil an úinéir deireanach de dhúchas an oileáin a raibh sé ina sheilbh. Is ag eachtranach atá an ball ó 1985. Is ón am sin a deineadh an bóithrín suas tríd an talamh ard chnocach agus an t-athchóiriú agus nua-thógáil ar dhá thigh a bhí ar an ngabháltas seo. Bíodh nach bhfuil buanchónaí ar aon duine anois ar an mbaile, bhí 31 duine lonnaithe ann sa bhliain 1841. Cf. (i) Daonáireamh Chumann Iarsmalann Chléire, Lúnasa 1991; (ii) Census of Ireland for the Year 1891.